काठमाडौं । यस बर्षको माघ १ गते अर्थात् बुधबार पर्ने माघे संक्रान्ति तथा माघी पर्बका दिन गण्डकी प्रदेश सरकारले सार्वजनिक विदा दिने भएको छ । गण्डकी प्रदेशको आन्तरिक मामिला तथा कानून मन्त्रालयले माघी पर्वको छेको पारेर बिदा दिने निर्णय गरी सार्बजनिक बिदा दिने सूचना जारी गरेको हो ।
गएको वर्षमा पनि प्रदेश सरकारले यही माघी पर्वको छेकोमा सार्वजनिक बिदा दिएको थियो ।
माघी पर्व पवित्र नदिमा स्नान गरेर पुजा आजा गरि मनाइन्छ । घिउ, चाकु, तरुल आदि परिकार माघी मेलामा खाने गरिन्छ ।
उक्त दिन गण्डकी प्रदेशभित्रका सबै सरकारी कार्यालय, शैक्षिक संस्था र सार्वजनिक संस्थानहरू विदा हुने सूचनामा उल्लेख छ ।
यसैगरी सुदूरपश्चिम प्रदेश सरकारले पनि माघ १ गते सार्वजनिक विदा दिने निर्णय गरेको छ ।
यस सुदूरपश्चिम प्रदेशको कैलाली र कञ्चनपुरको रहेको थारु समुदायले माघे संक्रान्तिलाई माघी पव भन्दै नयाँ बर्षको रुपमा धुमधामका साथ मनाउने गर्दछन् ।
