काठमाडौँ । चलचित्र ‘लिलिबिली’को पहिलो गीत ‘इज इट लभ’ सार्वजनिक गरिएको छ । चैत ३० गतेलाई प्रदर्शन मिति तय गरिएको चलचित्रको गीतमा प्रताव दास र मेलिना राईको स्वर रहेको छ भने अलिष कार्कीको संगीत रहेको छ ।
राजेश कुमार श्रेष्ठको शब्द सृजना रहेको सो गीतको भिडियोलाई कविराज गहतराजको कोरियोग्राफी र सुदीप बरालको सिनेमेटोग्राफी रहेको छ ।
प्रदर्शन अघि नै चर्चामा आएको फिल्मलाई मिलन चाम्स निर्देशन गरेका छन् ।प्रियंका कार्की, अनुपविक्रम शाही प्रदीप खड्का, जसिता गुरुङ लगायतका कलाकारको अभिनय रहेको फिल्म काफिया फिल्मस्, सुदीप खड्का प्रोडक्सन र चाम्स इन्टरटेनमेन्टको व्यानरमा निर्माण गरिएको छ ।
