दमक,१ माघ / माघे सक्रान्तिका दिन लाग्दै आएको माइधारको मेलामा सवारी पार्किङमा मनपरी शुल्क उठाउने गरेको पाईएको छ ।
पार्किङको नाममा ठेकेदारहरुले सवारी साधन हेरेर १५० देखि ५०० सम्म चर्की शुल्क लिदै आएको पाईएको हो । अघिल्ला बर्षमा बढीमा १०० सम्म लिदै आएको पार्किङ शुल्क यसवर्ष भने दोव्वर,तेव्वरनै असुली गरिआएका छन् । तर पार्किङ असुली गदैं आएकाहरुले भने मेलाको ठेक्का रकम बढेपछि पार्किङ शुल्क बढाएको दावी गरिआएका छन् ।
मेला भर्न आउनेहरुलाई पार्किङ उपलब्ध गराएवापत स्थानीय प्रशासनको अनुमतीमा मेला ठेकेदारहरुले त्यसरी ढाँडनै सेक्ने गरि रकम असुली गरेको एक अवलोकनकर्ताले गुनासो गरे । कमल गाँउपालिका– ७ का सामाजिक अगुवा भिमराज लिम्बुले आफूले दुई पाङग्रे सवारी पार्किङ गरेवापत १५० रुपैया तिर्नुपरेको बताए । एउटा इस्कुटरको पार्किङ शुल्क यतिका मूल्य उठाउनु जायज नभएको उनको गुनासो थियो । मेला भर्न ईस्कुटीमा आएका लिम्बुले यतिका रकम अन्यत्र कतैपनि नबुझाएको बताए । उनले भने,–‘ मेलामा यो ठाडैं उपभोक्ता मारा काम भएको छ, तर प्रशासन भने बेखबर छ ।’ उनले पार्किङ शुल्क दिए पनि रसिद काट्नेले आफूलाई विल भने नदिएको बताए ।
माईमेलामा बर्सेनी ठुलो संख्यामा स्वदेशबाहेक छिमेकी भारतका विभिन्न क्षेत्रबाट मेला भर्न सर्वसाधारणहरु आउने गर्छन् । मेला भर्न सवारीको दिनभरि चाप हुने गरेको छ ।
पूर्वपश्चिम राजमार्गको माईधारदेखि पूर्वको कोटीहोम क्षेत्रमा लाग्ने पूर्वकै प्रसिद्ध उक्त मेलामा सवारीबाट मात्र लाखौं रकम उठाउने गर्छन् ।
यसैवीच , माईधार अवस्थित दोमुखा प्रवेशद्धारमा पार्किङ शुल्क लिदै आएका एक प्रतिनिधिले मोटरसाईकललाई १५० र अन्य सवारीको ५०० र १००० सम्म लाग्ने बताए । नाम उल्लेख नगर्ने ती प्रतिनिधिले आफूहरुलाई विल अनुसार रकम लिन ठेकेदारले अहएको बताए । ‘ हामी केहि जान्दैनौ, जे छ विलको रकम त्यही लिई छाड्छौ’
यसैगरि माइधार पूर्वको कोटीहोम क्षेत्रमा समेत पार्किङ शुल्क जथाभावी उठाउदै आएको अवलोकनकर्ताहरुले जनाएका छन् । कतिपयले सामाजिक सञ्जालमानै पोष्ट गरेर पार्किङ शुल्कको विल राखेर नै त्यसको विरोध जनाएका छन् । त्यहाँ ठेकेदारहरुले मोटरसाईकललाई १०० देखि अन्य सवारी साधानहरुको ५०० सम्म असुली गरिआएका छन् ।
