काठमाडौं, ९ माघ । भारतमा सर्वाधिक खोजी सुचिमा रहेका ‘अन्डरवर्ल्ड डन’ दाऊद इब्राहिमले काठमाडौंलाई ठेगाना बनाएर भारतमा नक्कली नोट पठाउने गरेको खुलासा भएको छ ।
दाऊदले काठमाडौंबाट भारतमा नक्कली नोट पठाउने गरेको उनकै समूहका एजाज लकडावालाले मुम्बई प्रहरीसँगको बयानका क्रममा खुलासा गरेका हुन् ।
काठमाडौंस्थित पाकिस्तानी दूतावासका अधिकारीहरूका माध्यमबाट दाऊदले आफ्नो धन्दा चलाउने गरेको भारतीय अखबार दैनिक जागरणले दाबी गरेको छ ।
दाऊदको समूहका सदस्य लकडावालालाई जनवरी ८ मा बिहारको राजधानी पटनाबाट गिरफ्तार गरिएको थियो । उनले मोस्ट वान्टेड दाऊदका पाकिस्तानको कराचीमा रहेका दुई घरको ठेगाना पनि भारतीय प्रहरीलाई दिएका छन् ।
भारतीय सुरक्षा अधिकारीहरूले लकडावालाको गिरफ्तारीलाई अत्यन्तै ठूलो उपलब्धि भनेका छन् । लकडावालाले प्रहरीसमक्ष दाऊदको थाइल्यान्ड र बंगलादेशमा पनि राम्रो पकड रहेको र ती दुई देशबाट भारत, युरोप र अन्य मुलुकमा लागुपदार्थ पठाउने गरेको बयान दिएका छन् । युवा हुङ्कारका साथमा
