बाहुण्डाँगी । दैलेख जेसीजको आयोजनामा भएको लालबहादु स्मृति अन्तर विद्यालय वक्तृत्वकला प्रतियोगितामा महेन्द्र माविकी सोनिशा थापा च्याम्पियन बनेकी छिन् ।
शुक्रवार सम्पन्न सामाजिक रुपमान्तरणमा युवाको भूमिका विषयक प्रतियोगितामा थापाले उपाधी जितेकी हुन् । उपाधीसहित उनले नगद ७ हजार ५ सय, ट्रफी र प्रमाण पत्र प्राप्त गरिन ।
यसैगरी प्रतियोगितामा त्रिभूवन माविका सुजन खनाल दोस्रो, बसन्त माविकी निशा रावत तेस्रो र रैना माविकी रोशनी विष्ट सान्तवना भए । उनीहरुले क्रमश ५ हजार, ३ हजार र १ हजार नगद सहित प्रमाण पत्र प्राप्त गरे ।
उक्त प्रतियोगिता दैलेख जेसीजका पूर्व अध्यक्ष विनोद श्रेष्ठका बुबाको स्मृतिमा हरेक वर्ष आयोजना हुँदै आएको शाखाकी २०१९ की अध्यक्ष रमा प्याकुरेलले बताएन् ।
शाखाका अध्यक्ष प्रकाश पौडेलको अध्यक्षमा भएको कार्यक्रममा नारायण नगरपालिकाका उपमेयर सावित्री मल्ल, दैलेख उद्योग वाणिज्य संघका अध्यक्ष कुलबहादुर विकलगायतको सहभागिता रहेको थियो । 
