सुनसरी । सुनसरीका पूराना पत्रकार डम्बरबहादुर थापाको मंगलबार बिहान सुनसरीको इनरुवास्थित आफनै निवासमा निधन भएको छ ।
उनी लामो समयदेखि अस्वस्थ थिए ।
उनको उपचारका लागी सुनसरीका पत्रकारहरुले आर्थिक संकलन गरी उपचार समेत गराईरहेका थिए । उनको मृत्युले नेपाली पत्रकारितामा अपुरणीय क्षती पुगेको नेपाल पत्रकार महासंघ सुनसरी शाखाका अध्यक्ष अमर खडकाले बाएका छन ।
खडकाले स्वर्गीय थापाप्रति हार्दिक श्रद्दाञ्जली अर्पण गर्दै उनको आत्माको चिरशान्तिको कामना र दुःखको यस घडीमा शोकाकुल परिवारजनप्रति गहिरो समवेदन प्रकट गरेका छन । थापा सुनसरीका सबैभन्दा पुराना पत्रकार मध्ये एक हुन ।
