• बाहुण्डाँगी । राजविराज जेसीजको पदहस्तान्तरण शनिवार सम्पन्न भएको छ । जेसीज भवनमा शनिवार आयोजित ४५ औं पदस्थापन समारोहमा अध्यक्षका रुपमा नानीमैया कटवालको नेतृत्वमा गठित नयाँ कार्यसमितिको पद हस्तान्तरण तथा पदास्थापन कार्यक्रम सम्पन्न भएको छ ।
    संस्थापक अध्यक्ष प्रदेश योजना आयोग प्रदेश नम्वर १ का उपाध्यक्ष सुबोधराज प्याकुरेलको प्रमुख आतिथ्यतामा सम्पन्न समारोहमा चेन हस्तान्तरण तथा पदस्थापन कार्यक्रमको आयोजना गरिएको हो । राजविराज जेसीज २०१९ का अध्यक्ष संजय दासको अध्यक्षतामा आयोजित कार्यक्रममा प्रमुख जिल्ला अधिकारी सुनिल खनाल, राजविराज नगर प्रमुख शम्भुप्रसाद यादव, नेपाल जेसीजका निरुपित उपाध्यक्ष कञ्चन झा, राजविराज जेसीजका संस्थापक एवम पूर्व अध्यक्ष शंकर शारदा, सप्तरी उद्योग बाणिज्य संघका अध्यक्ष अरुण प्रधान, राजविराज ८ का वडा अध्यक्ष जयनारायण मण्डल, प्रेस स्वतन्त्रता सेनानी बैद्यनाथ झा, जनज्योति कृषि सहकारी संस्था लिमिटेडका अध्यक्ष विश्वनाथ मण्डल लगायतले शुभकामना व्यक्त गरेका थिए ।
    कार्यक्रममा नेपाली सेनाका गणपति गुप्तबहादुर कुँवर, प्रहरी उपरिक्षक कृष्ण प्रसाई, सशस्त्र प्रहरी उपरिक्षक उद्धव न्यौपाने, वन कार्यालयका प्रमुख सन्तोष झा, महिला मानवअधिकार रक्षक सञ्जाल सप्तरीकी अध्यक्ष अनीता देवकोटा, दुहबी जेसीजका पूर्व अध्यक्ष सुभाष भट्टराई, प्याब्सनका केन्द्रीय सल्लाहकार अनील झा, केन्द्रीय सदस्य रीभा झा, जिल्ला उपाध्यक्ष संजय शर्मा, साहित्यकार नन्दलाल आचार्य, ग्लोबल बहुमुखी सहकारी संस्थाका अध्यक्ष सुखराम यादव, सप्तरी बार एकाईका अध्यक्ष डोमन साह, सप्तरी सामुदायिक सेवा केन्द्रका अध्यक्ष हितनारायण लाल दासलगायतको सहभागिता थियो ।
    राजविराज जेसीज २०१९ का अध्यक्ष संजय दासको अध्यक्षतामा भएको कार्यक्रममा राजविराज जेसीजका पूर्व अध्यक्षहरु जगदीश अर्याल, रमेश शारदा, कुवरसिंह तातेड, शंकर दास, संजय पूर्वे, मनोहर पोखरेल, दिपेन्द्र दास, मिलन सिंह, सन्तोष सिन्हा, कृष्णकुमार देवलगायत अधिकारकर्मी, शिक्षक, समाजसेवी, सञ्चारकर्मी, उद्योगी, व्यापारीको उपस्थिती रहेको थियो । कार्यक्रममा नवनिर्वाचित अध्यक्ष कटवालले जेसीजको विधान, भावना र मान्यताअनुरुप जेसीज अभियानलाई सशक्त ढंगले अघि बढाउने र ऐतिहासिक कार्यकाल बनाउने प्रतिबद्धता व्यक्त गरेकी छिन् । यसअघि निर्वाचन संयोजक कृष्णकुमार देवले अधयक्षमा कटवाल, कार्यकारी उपाध्यक्षहरुमा गणेश दास, विप्लब आनन्द, मनिष दास, उपाध्यक्षहरुमा पंकज देव, रन्जना चौधरी, मीना साह र सुनिलराज दास निर्वाचित भएको घोषणा गरेका थिए ।
    सन् २००९ देखि जेसीज अभियानमा जुटेकी कटवालले राजविराज जेसीजको जनसम्पर्क अधिकारी, शाखा सम्पादक, उपाध्यक्ष, सहसचिव, कार्यकारी उपाध्यक्ष, कानुनी सल्लाहकार र महासचिवको भूमिका निर्वाह गरिसकेकी छिन् । सन १९७६ मा स्थापना भएको राजविराज जेसीजले हालसम्म एक जना संस्थापक अध्यक्ष गरि ४४ जना अध्यक्ष प्राप्त गरिसकेका छन् भने दुई जना राष्ट्रिय अध्यक्ष समेत दिएको छ ।
    राजविराज जेसीजको ४५ वर्षको इतिहासमा उनी पहिलो महिला अध्यक्ष हुनु भएको पूर्व अध्यक्ष शंकर शारदाले जानकारी दिएका छन् । जेसीजको दर्जनौ क्षेत्रीय र राष्ट्रिय सम्मेलनमा सहभागी भईसकेकी नवनिर्वाचित अध्यक्ष कटवालले आफ्नो कार्यकालमा जेसीजलाई सशक्त रुपमा क्रियाशील बनाउने बताईन् । जेसीजको विधान, भावना र मान्यताअनुरुप जेसीज अभियानलाई सशक्त ढंगले अघि बढाउने प्रतिबद्धता व्यक्त गर्दै उनले शान्ति र समृद्धिकालागि जिम्मेवार यूवाहरुको निर्माण गर्न र वर्ष २०२० लाई उपलब्धिमूलक बनाउने प्रतिबद्धता व्यक्त गरिन् ।

सम्वन्धित समाचार

लेटाङ्ग,  |  जनचाहाना सामुदायिक बन उपभोक्ता समूह लेटाङ्ग-२ ले सामाजिक बिकास कार्यक्रम अन्तर्गत उ…

काठमाडौं,६ चैत । उत्तर कोरियाली नेता किम जोङले रूसका नवनिर्वाचित राष्ट्रपति भ्लादिमर पुटिनलाइ बधाइ दिएका…

सञ्जय मिश्रापर्सा, २३  फागुन । खानाको बिषय लिएर बिवाद भएर बिहे नै बहिष्कार गरेर जन्ती खाली हात फिर्त…

सुरुचि भण्डारी, बारा, २२ फागुन । निजगढ नगरपालिका-७ स्थित गाडी मर्मत गर्ने ग्यारेज (कारखाना)मा एक सा…