बाहुण्डाँगी । पछिल्लो समय बढ्दै गएको सडक दुर्घटनालाई कम गर्ने उदेश्यले धनगढी लेडी जेसीजद्धारा विद्यार्थीहरुलाई ट्राफिक सचेतना सम्बन्धि एक दिने प्रशिश्रण दिएको छ ।
जिल्ला ट्राफिक कार्यालय कैलालीको प्राविधिक सहयोगमा सुदुरपश्चिमाञ्चल क्याम्पसमा अध्ययनरत विद्यार्थीहरुलाई ट्राफिक नियम सम्बन्धि प्रशिश्रण दिइएको हो । प्रहरी उपरिक्षक लोकेन्द्र श्रेष्ठले प्रशिश्रण गराउनु भएको कार्यक्रममा करिब ३ सयको सहभागिता रहेको थियो । शाखाकी २०२० की अध्यक्ष लक्ष्मी शाही चन्दको सभापतित्वमा सम्पन्न कार्यक्रममा क्याम्पस प्रमुख हेमराज जोशी, धनगढी लेडी जेसीजकी पूर्व अध्यक्ष निर्मला भट्ट, पूर्व अधयक्ष सुनिता राना, धनगढी जेसीजका अध्यक्ष श्याम पाठक, पूर्व अध्यक्ष भवानीप्रसाद जोशी, धनगढी जुनियर जेसीजका अध्यक्ष सुमन ढकालको सहभागिता रहेको थियो । कार्यक्रमको सञ्चालन शाखाकी महासचिव सरस्वती भट्टले गर्नु भएको थियो । 
