उर्लाबारी, २ माघ
उर्लाबारी नगरपालिका कृषि विकास शाखाको आयोजनामा मंगलबारदेखि दुई दिने घुम्ती स्थलगत तालिम सुरु भएको छ । गणपति कृषि सहकारी संस्था उर्लाबारी– ३ को सह–आयोजनामा भएको तालिममा बजारमा उपयुक्त बालीहरु, रासायानिक विषादीको बिकल्प एवम् समाधान लगायतका १३ वटा विषयमा किसानहरुलाई जानकारी कृषि विकास शाखा प्रमुख लाक्पा शेर्पाले जानकारी दिनुभयो । तालिमको उद्घाटन उर्लाबारी नगरपालिकाका प्रमुख खड्ग फागोले गर्नुभएको थियो । सो अवसरमा उहाँले कृषिलाई प्राथमिकतामा राखेर नगरपालिकाले बजेटलगायतको व्यवस्था गर्ने बताउनुभयो । कार्यक्रममा वडा नं. ३ का वडाध्यक्ष गञ्जबहादुर कार्की, उर्लाबारी मत्स्य विकाश शाखाका प्रमुख नेल्शन पोख्रेल, सहकारी संस्थाका अध्यक्ष हरिश्चन्द्र श्रेष्ठसहित २५ जना किसानको सहभागिता रहेको छ । तालिमका सहजीकरण कृषि विकास शाखा प्रमुख लाक्पा शेर्पाले गर्नुभएको थियो ।
