उर्लाबारी, २ माघ
मोरङ उर्लाबारी ८, दुर्गापुरीका सम ब्यस्राले आफ्ना छोरामाथी खुकुरी प्रहार गरि घाइते बनाएका छन् । मंगलबार बिहान घरायसी बिषयमा सामान्य विवाद हुँदा उनले छोरा मेघराज ब्यस्रालाई खुकुरी प्रहार गरेका थिए । खुकुरी प्रहारबाट गम्भीर घाइते बनेका मेघराजको देब्रे कन्चठमा चोट लागेको छ । स्थानीय गोदावरी हस्पिटलमा उपचार भैरहेको छ भने उनका बुबालाई प्रहरीले नियन्त्रणमा लिएको छ । दैनिक जसो मदिरा सेवन गर्ने समले सानासाना बिषयमा घर झगडा गर्ने गरेको र आज पनि सोही हर्कत देखाएकाले छोराले त्यसो नगर्न सुझाउदा उल्टो खुकुरी प्रहार गरेको आमा चुन्कु टुडुले बताइन् । आर्थिक अवस्था दयनीय भएका उनको उपचारमा यतिबेला समस्या भएको छ । हस्पिटलको अनुसार उनको उपचारमा २५ हजार लाग्नेछ ।
