ईटहरी / समयको सदुपयोगबारे सवक सिकाएर प्रशंसा बटुलेका ईटहरीका मेयर द्दारीकलाल चौधरीले राखेको पत्रकार सम्मेलन नै ईटहरीका पत्रकारले समय ख्याल नगरेको भन्दै बहिष्कार गरेका छन् ।
मङ्गलवार उपमहानगरले सिएफएल भ्रष्टाचार प्रकरणका विषयमा छानबिन समितिले बुझाएको प्रतिवेदन सार्वजनिक गर्न दिउँसो ३ बजेका लागि राखेको पत्रकार सम्मेलनमा चौधरी साँढे ३ बजेसम्म पनि नपुगेपछि
पत्रकारहरूले बहिष्कार गरेका हुन् ।
भ्रष्टाचार गर्ने कर्मचारीलाई जेल हाल्ने , सार्वजनिक जग्गा हडप्नेवाट सार्वजनिक जग्गा खोसेर नगपालीका मातहत ल्याउने र समयमा कार्यक्रम नगर्नेको कार्यक्रम बहिष्कार गर्ने लगायतका उद्घोष गरेर देशमै चर्चा बटुलेका मेयरको सिएफएल भ्रष्टाचार प्रकरणपछि चर्को आलोचना भइरहेको छ ।
सिएफएल भ्रष्टाचार प्रकरणसँगै एनजीओका सामाजिक परिचालकलाई निरन्तरता दिने विषय , निर्माणाधिन डम्पीङ साइडमा भ्रष्टाचार भएको विषय सहित भ्रष्टाचारको लामो फेरिहस्त एकपछि अर्को गर्दै खुल्न थालेपछि मेयर चौधरीको व्यापक जनस्तरबाटै आलोचना भइरहेको छ ।
नागरिकले मङ्गलवार स्वतस्फुर्त रूपमा नगरपालिका गेटमा धर्ना समेत दिएका छन् तर मेयर चौधरी भने टसमस नगरी भ्रष्टाचारमा संलग्नको संरक्षणमै लागेका छन् ।
