काठमाडौं । हेलम्बु गाउँपालिका वडा न – २ मा स्थिति गुरुरेम्बोछेको छात्र छायामा बसोबास गर्ने ताक्पाखर्का परिवारले हरेक बर्ष झैं यो बर्ष पनि ह्योल्मो सोनाम ल्होसार तेम्ढेल मनाउने भएको छ ।
ताक्पाखर्का युवा जागरुक समितिको आयोजनामा यहि माघ ६ गते शनिवारका दिन सो पर्व मनाउन लागेको हो । दिउँसो १ बजे देखि याङ्ग्रीमा हिल सिटि होटल बौद्धमा सबै ताक्पाखर्का परिवारका सदस्यहरु भेला भई ह्योल्मो सोनाम ल्होसार तेम्ढेल र विविध साँस्कृतिक तथा मनोरञ्जनात्मक कार्यक्रमहरु सहित मनाईने भएको छ । समितिका अध्यक्ष मिङमार लामाले दिएको जानकारी अनुसार उक्त अवसरमा समाजसेवी लामा सोनाम कदर – पत्र बाट सम्मान गर्ने कार्यक्रम पनि रहेको छ ।
