फागुन ३, पथरी ।
मोरङको पथरी शनिश्चरे नगर क्षेत्रमा सञ्चालित अभियानको हिजो सातौ दिनसम्ममा ५४ हजार बढी नगरवासीले हात्तीपाइले रोग विरुद्धको औषधि सेवन गरेका छन् ।
हात्तीपाइले रोग विरुद्ध घर घरमा गएर औषधि खुवाउने आम औषधि अभियान अन्तर्गत हिजो ६ हजार ७० जनाले औषधि सेवन गरेको जनस्वास्थ्य निरीक्षक मुरारी आचार्यले जनाउनु भयो ।
सातौ दिनसम्ममा नगरका १० वडाका ५४ हजार २ सय ५७ जनाले हात्तीपाइले रोग विरुद्धको औषधि सेवन गरेका छन् । जसमध्ये १० नम्बर वडामा रहेका भूटानी शरणार्थी शिविरका ३ सय २९ जनाले आज औषधि सेवन गरेका छन् ।
हिजो वडा नम्वर १ मा १ हजार ५३, २ मा ३ सय ७५, ३ मा ६ सय १८, ४ मा ५ सय ८१ र ५ मा ६ सय २६ जनाले औषधि सेवन गरेका छन् । त्यसैगरी, वडा नम्वर ६ मा ६ सय ५१, ७ मा ४ सय ४५, ८ मा ४ सय १७, ९ मा ५ सय ३४ र १० मा ४ सय ४१जनाले औषधि सेवन गरेको तथ्यांक रहेको छ ।
अब केहि बाकी रहेका ठाँउमा भोली औषधि खुवाउने कार्यक्रम रहेको नगर स्वास्थ्य शाखाले जनाएको छ ।
अभियानको पहिलो दिन ६ हजार १ सय ९०, दोस्रो दिन ९ हजार २ सय ४६ र तेश्रो दिन ८ हजार १ सय १२, चौथो दिन ८ हजार ७ सय २२ र पाचौ दिन ६ हजार ६ सय १८ र छैटौं दिन ९ हजार २ सय ९९ जनाले औषधि सेवन गरेका थिए ।
