रामग्राम जेसीज वर्ष २०२० परासीको आयोजनामा जेसीज बैठक प्रणाली विषयक एक दिने तालिम २०७६ फागुन ३ गते परासीमा सम्पन्न भएको छ । तालिममा रामग्राम जेसीज र रामग्राम महिला जेसीजका पदाधिकारी तथा निर्देशकहरुको सहभागिता रहेको थियो ।
रामग्राम जेसीज वर्ष २०२० को यो पहिलो कार्यक्रम हो । तालिममा रामग्राम जेसीजका पूर्व अध्यक्ष पुरुषोत्तम ढकालले जेसीजको अर्थ, महत्व, फाईदा, जेसीजको विधान, जेसीज पदाधिकारीहरुको कर्तव्य तथा जेसीज बैठक सञ्चालन प्रणालीको विषयमा प्रशिक्षण दिनुभएको थियो ।
शखा अध्यक्ष जेसी सन्दीय अग्रहरीको अध्यक्षतामा भएको उक्त तालिममा रामग्राम जेसीजका निवर्तमान अध्यक्ष नारायण सुवेदी, पूर्वअध्यक्ष एवं कानूनी सल्लाहकार मुक्तिप्रसाद पौडेल, कार्यसमितिका पदाधिकारी तथा निर्देशकहरुको सहभागिता रहेको थियो ।
