काठमाडौं । पूर्व राजा ज्ञानेन्द्र शाह दिल्ली जाँदै हुनुहुन्छ । उहाँ आज साँझ त्रिभुवन अन्तर्राष्ट्रिय विमानस्थलबाट दिल्ली उड्न लाग्नु भएको हो ।
शाहले दिल्लीमा महत्वपूर्ण भेटघाट गर्ने तय भएको निकट स्रोतले बताएको छ । शाह दुई साता भारत बस्ने तयारी छ । दिल्ली भ्रमणलाई अर्थपूर्ण मानिएको छ । पूर्व राजा ज्ञानेन्द्र शाह परिवार अर्थात पूर्व रानी कोमल शाह सहित उहाँसँग निकटस्थहरु समेत रहनु भएको छ ।
केही दिन अघिमात्र सिक्किमबाट स्वदेश फर्किनु भएको थियो । उहाँले भारतको सत्तारुढ दल नजिक रहेका केही व्यक्तिसँग भेट्ने कार्यक्रम तय भएको हो ।
