काठमाडौं, ९ फागुन । नेपाल आइडल सिजन–३ मा यो साता पनि झापाकी रचना रिमालले सबैभन्दा धेरै भोट पाएकी छिन् । लगातार तीन एपिसोडमा सर्वाधिक भोट पाएर सेफ रहेकी रचनाको भोट संख्या भने खुलाइएको छैन् ।
मौलिक स्वर भएकी प्रतिस्पर्धीको रुपमा रुचाइएकी रचनाले सर्वाधिक भोट पाइरहँदा अन्य कन्टेस्टन्टभन्दा उनि खुंखार छिन् भन्ने चाँही होइन । उनको स्वरमा अर्गानिक फ्लेवर भए पनि उनीमा कन्फिडेन्ट भने कम रहेको छ । स्टेजमा पर्फर्म गर्दा जहिल्यै लो नोटमा उनको स्वर काम्ने समस्या छ । यसैले पनि होला सायद उनले बढी भोट पाएको बारेमा जव अनाउन्स हुन्छ तव युट्युबमा लाइभ हेरिरहेका दर्शकले आफु ‘सक्ड’ भएको प्रतिक्रिया दिन्छन् । यति मात्र होइन के हेरेर रचनालाई यति धेरै भोट दिन्छन् भन्नेसम्मको प्रतिक्रिया आउने गरेका छन् ।
यो हप्ता पोखराकी ममता गुरुङ बाहिरिएपछि अब आइडलमा ८ जना प्रतिस्पर्धी बाँकी छन् । यो सिजनमा पनि न्ह्यू वज्राचार्य, कालीप्रसाद बास्कोटा र इन्दिरा जोशी निर्णायक रहेका छन् । त्यस्तै होस्टमा आसिफ शाह र माम्पी घोष रहेका छन् ।
