उर्लाबारी, ६ माघ । मोरङको उर्लाबारीमा हिजोदेखी सुरु प्रथम उर्लाबारी मेयर कप फुटवल प्रतियोगितामा आज वडा नम्बर ७ र ८ बीच प्रतिस्पर्धा हुने भएको छ ।
उर्लाबारी – ३ स्थित चाईनिज क्याम्प खेल मैदानमा दिउँसो ३ बजेपछी सुरु हुने खेलमा यी दुई टिमबीच कडा प्रतिस्पर्धा हुने अनुमान गरिएको छ । उर्लाबारी नगरपालिकामा साबिक राजघाट गाबिस थपिएपछि बनेको वडा नम्बर ८ को टिम नयाँ भएकाले पनि उसको प्रस्तुती सबैका लागि प्रतिक्षा बनेको छ । प्रतियोगिता अन्र्तगत हिजो भएको उद्घाटन खेलमा वडा नम्बर २ लाई २ – १ गोल अन्तरले हराउँदै वडा नम्बर ६ विजयी भएको थियो । प्रतियोगिताको हिजा एक कार्यक्रमका बीच उर्लाबारी नगरपालिकाका मेयर खड्ग फागोले उद्घाटन गर्नुभएको थियो । प्रतियोगिताको उपाधि विजेताले ७५ हजार तथा उपविजेताले ५० हजार नगदसहित ट्रफि, मेडल र प्रमाणपत्र प्राप्त गर्नेछ । यस्तै मोरङको मिक्लाजुङ गाउँपालिकास्थित मधुमल्लामा जारी प्रथम मिक्लाजुङ अन्तर विद्यालय फुटबल प्रतियोगितामा आज मनोहर जनता मावि मिक्लाजुङ ७ र सरस्वती मावि मिक्लाजुङ ७ बीच प्रतिस्पर्धा हुने भएको छ । खेल मनोहर जनता माविको खेल मैदानमा दिउँसो ३ बजेपछी सुरु हुनेछ । यसअघि हिजो भएको खेलमा मदर मधुमल्ला बोर्डिङ स्कुल मिक्लाजुङ – ९ लाई ५ – ० ले हराउँदै रिलायन्स अंग्रेजी स्कुल विजयी भएको थियो । प्रतियोगिता आगामी माघ १६ गते सम्म संचालन हुनेछ । प्रतियोगितामा प्रथम र द्धितिय स्थान हासील गर्नेले क्रमश : नगद १५ हजार र १० हजारसहित शिल्ड, मेडल र प्रमाण पत्र प्राप्त गर्ने आयोजक दीपज्योती युवा क्लबका अध्यक्ष सन्तोष गौतमले जानकारी दिनुभयो ।
