उर्लाबारी, ६ माघ । मोरङको उर्लाबारीमा जारी प्रथम उर्लाबारी मेयर कप फुटवल प्रतियोगिता अन्र्तगत आजको खेलमा वडा नम्बर ७ विजयी हुँदै सेमिफाईनलमा प्रबेश गरेको छ ।
उर्लाबारी – ३ स्थित चाईनिज क्याम्प खेल मैदानमा भएको खेलमा वडा नम्बर ८ लाई टाईब्रेकरमा ४ – २ गोल अन्तरले हराउँदै वडा नम्बर ७ सेमिफाईनलमा पुगेको हो । प्रतियोगितामा भोली वडा नम्बर ३ र ४ बीच प्रतिस्पर्धा हुने आयोजक उर्लाबारी फुटवल क्लबका सचिव भिष्म बुढाथोकीले जानकारी दिनुभयो । प्रतियोगिताको उपाधि विजेताले ७५ हजार तथा उपविजेताले ५० हजार नगदसहित ट्रफि, मेडल र प्रमाणपत्र प्राप्त गर्नेछ ।
