उर्लाबारी, ७ माघ । मोरङको उर्लाबारी – २ स्थित बेतिनी सामुदायिक वन उपभोक्ता समूहको अध्यक्ष पदमा भिम राई निर्वाचित हुनु भएको छ ।
गएराती सम्पन्न मतगणनामा राईले आफ्ना प्रतिद्वन्दी सीता डाँगीलाई एक सय ६४ मत अन्तरले हराउदै अध्यक्ष पदमा निर्वाचित हुनु भएको हो ।
राईले दुई सय ७४ र डाँगीले एक सय १० मत प्राप्त गर्नुभएको थियो । यस्तै,उपाध्यक्षमा पदमा कवि धिमाल, सचिवमा अरूणा थापा,सहसचिवमा कृष्णराज गिरी र कोषाध्यक्षमा ज्योति थापा निर्वाचित हुनुभयो । कोषाध्यक्ष पदमा सीताराम सापकोटा र ज्योति थापाले समान एक सय ७९ मत ल्याएपछि गोलाप्रथाबाट कोषाध्यक्ष पद चुनिएको मुख्य निर्वाचन अधिकृत विश्वनाथ ढुंगानाले जानकारी दिनुभयो । लेखा संयोजकमा डिल्ली सापकोटा विजयी हुनुभयो । चार सय ४२ जना मतदाता रहेको सामुदायिक वनमा चार सय १३ मत खसेको थियो ।
प्रतिकृया दिनुहोस