पुष्कर खड्का ,रामेछाप
रामेछाप–जिल्ला प्रहरी कार्यालय रामेछापले फारार बलात्कारका आरोपित सिन्धुलीका २ युवकलाई पक्राउ गरेको छ ।
पक्राउ पर्नेमा सिन्धुलीको कमलामाई नगरपालिका २ का पुष्कर गौतम र सोही नगरपालिका ६ स्थित ढुंग्रेबासका २८ वर्षीय लक्ष्मण श्रेष्ठ रहेका छन् ।
रामेछापको शिरिसेबाट मन्थलीतर्फ आउँदै गरेको ना ७ ख ७२१५ नम्बरको ट्रकमा लिखुतामाकोशी गाउँपालिका ३ धोवीडाँडाबाट लिफ्ट लिएर आएका तीनजना युवतीमध्ये एक जनालाई सोही गाउँपालिका ७ ढ्यांग्रेमा पालैपालो बलात्का गरी फरार रहेका ट्रकका चालक गौतम र सहचालक श्रेष्ठलाई विशेष सूचनाको आधारमा जिल्ला प्रहरी कार्यालय रामेछापबाट खटिएको प्रहरी टोलीले काठमाडौँको कोटेश्वरबाट पक्राउ गरेको हो ।
प्रहरीका अनुसार उनीहरु दुवै जनालाई कारबाहीको लागि जिल्ला अदालत रामेछापमा पेश गरिएको छ । यसअघि उनीहरु घटना लगत्तै भारतमा गएर लुकिछिपी बस्दै आएका थिए । घटना लगत्तै पक्राउ परेका सोही घटनामा संलग्न विजय किङरिङ मगरलाई भने पुर्पक्षका लागि जिल्ला कारगार रामेछापमा राखिएको प्रहरीले जनाएको छ ।
उनीहरुवरुद्ध पीडित पक्षले २०७६ साल असार १ गते बलात्कारको आरोपमा जिल्ला प्रहरी कार्यालय रामेछापमा मुद्दा दर्ता गराएका थिए ।
