पुष्कर खड्का ,रामेछाप
रामेछाप - रामेछाप जिल्ला मन्थली नगरपालिका–५ बस्ने ३८ वर्षीय रुद्रराज कार्की मोटर साइकल दुर्घटनामा परि गम्भीर घाइते हुनु भएको छ ।
महोत्तरीको बर्दिवास नगरपालिका–३ कालापानीमा गए राति भएको दुर्घटनामा परि कार्की घाइते हुनुभएको हो । उहाँको उपचार बर्दिवासमा भइरहेको प्रहरीले जनाएको छ ।
टाटा पिकअपले ठक्कर दिँदा सिन्धुली कमलामाई नगरपालिका–७ बस्ने ४६ वर्षीय दीप खत्रीको भने मृत्यु भएको जिल्ला प्रहरी कार्यालय महोत्तरीका प्रहरी नायब उपरीक्षक माधवप्रसाद बुढाथोकीले जानकारी दिनुभयो । बा ४४ प ६२२४ नम्बरको मोटरसाइकललाई महोत्तरीको बर्दिवास नगरपालिका–३ कालापानीमा विपरीत दिशाबाट आउँदै गरेको स १ च १८०६ नम्बरको टाटा पिकअपले ठक्कर दिँदा खत्री गम्भीर घाइते भएका थिए ।
बर्दिवासस्थित जनसेवा अस्पतालमा प्राथमिक उपचारपश्चात् थप उपचारका लागि काठमाडौँ लैजाँदै गर्दा बाटोमै घाइते खत्रीको मृत्यु भएको हो ।
