उर्लाबारी माघ ७ गते । मोरङको उर्लाबारी–३ मंगलबारेमा जारी पहिलो मेयर कप अन्तर्गत आइतबार भएको खेलमा वडा नम्बर ४ विजयी भएको छ । उसले वडा नम्बर ३ लाई १–० गोल अन्तरले पछि पार्दै सेमिफाइनलको यात्रा तय गरेको हो ।
वडा नम्बर ४ को जितका लागि अनिल तिम्सिनाले गरेको गोल निर्णायक बन्यो । तिम्सिनाले दोस्रो हाफको ३०औँ मिनेटमा गोल गर्दै आफ्नो टिमलाई विजयी बनाउन सफल भए ।
प्रतियोगिताको म्यान अफ द म्याच वडा नम्बर ४ का गोल किप्पर विक्कि राई भए । उनलाई वडा नम्बर ४का वडा सदस्य कल्याण राईले ट्रफि प्रदान गरे । वडा नम्बर ४ लाई ग्लोबल युथ क्लब आइतबारेको मुख्य प्रायोजन गरेको थियो ।
सोमबारको खेल वडा नम्बर १ र ९ बीच हुने आयोजक उर्लाबारी फुटबल क्लबका सचिव भिष्म बुढाथोकीले जानकारी दिए ।
