फागुन २४, काठमाडौं । कोरोना भाइरसका कारण इटलीमा मृत्यु हुनेको संख्या १९७ पुगेको छ । एक दिनमै सबैभन्दा धेरै मृत्यु हुने देश इटली रहेको छ ।
अधिकारीहरूका अनुसार गत २४ घण्टामा मात्रै ४९ को मृत्यु भएको छ । प्रकोप सुरु भएयता सङ्क्रमण हुनेको सङख्या एक दिनमै धेरै बढेपछि मृत्यु हुनेको सङ्ख्या यति पुगेको हो। कुल सङक्रमण हुनेको सङ्ख्या अहिलेसम्म ४६ सयभन्दा बढी पुगेको छ।
डिसेम्बरमा भाइरस पहिलोपटक देखिएयता चीनबाहिर सबभन्दा धेरै मृत्यु हुनेको सङ्ख्या हुने देश इटली बन्न पुगेको छ।
विश्व स्वास्थ्य सङ्गठनले विश्वव्यापी रूपमा कोरोनाभाइरसबाट करिब १ लाख मानिस सङ्क्रमित भएको पुष्टि गरेको छ ।
हालसम्म कोरोना भाइरसका कारण तीन हजार भन्दा बढीको मृत्यु भइसकेको छ । जसमध्ये सबैभन्दा बढी मृत्यु हुनेको संख्या चीनमा रहेको छ ।
विश्व स्वास्थ्य सङ्गठनका महानिर्देशक टेड्रो एड्हानोम गेहब्रेयससले भाइरसको सङ्क्रमण गहिरो चिन्ताको विषय भएको भन्दै यसको रोकथामलाई उच्च प्राथमिकतामा राख्न सबै देशहरूलाई अपिल गरेका छन्।
इटलीको अवस्था
इटालीमा अधिकारीहरूले शुक्रवार एक विज्ञप्तिमार्फत् दैनिक मृत्यु हुनेको सङ्ख्या सबैभन्दा बढी पुगेको घोषणा गरेका छन्।
उनीहरूले स्वास्थ्य अधिकारीहरूले मृत्युको यकिन कारण नभन्दासम्म मृत्यु हुनेको उक्त सङ्ख्या पुष्टि गर्न नसकिएको बताएका छन् ।
राष्ट्रिय स्वास्थ्य निकायले मृत्यु हुनेको औसत आयु ८१ रहेको र उनीहरूमध्ये धेरैमा पहिल्यै अन्य स्वास्थ्य समस्या पनि रहेको जनाएको छ। मृत्यु हुनेमध्ये ७२ प्रतिशत पुरुष रहेको पनि जनाइएको छ।
सरकारी तथ्याङ्क अनुसार कोरोनाभाइरस देखिएका ४ दशमलव २५ प्रतिशतको मृत्यु भएको पुष्टि भएको छ जुन विश्वमा उच्च दर हो।
विश्वकै धेरै उमेर भएका जनसङ्ख्या रहेको देशमध्ये एक इटली हो।
सरकारले यो साता प्रकोप नियन्त्रण गर्न विभिन्न प्रयास गरिरहेका बेला यसै साता त्यहाँ १० दिनका लागि सबै विद्यालयहरू बन्द गर्न सरकारलाई निर्देशन दिएको छ।
सबै व्यवसायिक खेलहरू पनि महिना दिनसम्मका लागि बन्द कोठाभित्र खेलिने छ।
इटलीभन्दा बढी कोरोनाभाइरस सङक्रमितको सङख्या चीन, दक्षिण कोरिया र इरानमा मात्र रहेको बताइएको छ। एजेन्सि+
