पथरी ।मोरङको पथरीशनिश्चरेमा आगामी माघ ११ गते म्युजिकल कन्सर्ट २०१८ हुनेभएको छ । पूर्वी मोरङ इसाई युवा समितिले आइतबार पत्रकार सम्मेलनको आयोजना गरी कन्सर्टको बारे जानकारी गराएको हो । सो कन्सर्टमा हेभजिवा ब्याण्ड काठमाडौंको विशेष प्रस्तुति रहनेछ ।
साथै सो कार्यक्रममा स्थानीय गायक÷गायिकाहरू सम्झना राई, श्रेया दवाडी र ललित थलङ लिम्बुको पनि प्रस्तुति रहनेछ । पथरीको यलम्बर चौकमा हुने सो कन्सर्टमा दमक, लेटाङ, लक्ष्मीमार्गका नृत्यांगनाहरुले नृत्य गर्नेछन् भने सिलिगुडीको अनुग्रह डान्स सेन्टरले आफ्ना प्रस्तुतिहरु पस्कने आइतबार पत्रकार सम्मेलनको आयोजना गरी कार्यक्रम संयोजक विक्रम राईले जानकारी दिए ।
