काठमाडौं । स्पेनिस ला लिगा फुटबलमा रियाल मड्रिडले गोलको बर्षा गरेको छ । आइतबार राति भएको खेलमा रियाल मड्रिडले डिपोर्टिभो लाकोरुनालाई ७–१ ले हराएको हो ।
क्रिष्टियानो रोनाल्डो, नाचो र ग्यारेथ बेलले २–२ गोल गरे । लुका मोड्रिचले १ गोल गरे ।
खेलको सुरुआत रमाइलो थियो । अग्रता खेलमा अग्रता भने डिपोर्टिभो लाकुरानाले लिएको थियो । २३ औं मिनेटमा एड्रियन लोपेजले डिपोर्टिभोका लागि गोल गरेका थिए ।
तर अग्रता जोगाउन सकेन । मध्यान्तरसम्म २–१ ले पछि परेको डेपोर्टिभोले मध्यान्तरपछि पाँच गोल खायो ।
यो खेलमा गोल गरेपछि रोनाल्डोलाई पनि शान्ति मिलेहोला । सर्वाधिक सफल रोनाल्डोले आगामी समरमा क्लव छाड्न सक्ने क्लव व्यवस्थापनले भनेपछि द्धन्द्ध चर्किएको छ ।
यो खेलका क्रममा रोनाल्डोलाई चोट लागेको छ । उनी रक्ताम्मे भएका छन् ।
यो जितसँगै रियाल मड्रिड अंक तालिकाको चौथो स्थानमा उक्लिएको छ ।
