काठमाडौं । स्पेनिस लिग ला लिगा फुटबलमा बार्सिलोनाको जितयात्रा रोकिएको छैन । २० औं खेलमा रियाल बेटिसलाई उसकै मैदान इस्टाडियो बेनिटो भिल्लामारिनमा ५–० को विशाल अन्तरले हरायो ।
बार्सिलानाको जितमा महत्वपुर्ण भूमिका लियोनल मेस्सी र लुइस सुवारेजकै रह्यो ।
मेस्सी र सुवारेजले २–२ गोल गरे । एक गोल इभाँ राकिटिकले गरे ।
यो जितपछि बार्सिलाना ५४ अंकसहित शिर्ष स्थानमा छ ।
एथलेटिको मड्रिड ४३ अंकसहित दोस्रो, भ्यालेन्सिया ४० अंकबाट तेस्रो, एक खेल कम खेलेको रियाल मड्रिड ३५ अंकबाट चौथो तथा ३४ अंकबाट भिल्लारियल पाँचौ स्थानमा छ ।
