दमक/ वालपनदखि संगै खेलि हुर्केका तथा बिभिन्न कालखण्डमा साथसंगत गरेकाहरुले दमकमा बनाएको साथीभाई समुहले कोरोना भाईरसको संक्रमणको त्रासको यो समयमा कृत्रिम अभाव सिर्जना नगर्न र सबैलाई संयमित हुन आग्रह गरेको छ । दमकमा पत्रकार भेटघाट मार्फत समुहले अहिले बजारमा केहि पनि अभाव नरहेको जनाउदै कालोबजारी नगर्न आग्रह गरेको हो ।
समुहका अध्यक्ष गंगा सिटौलाले ग्याँस लगायत सरसफाईका सामाग्रि अभाव भएको भन्ने सुनिएको भन्दै यस्तो हुन नदिन आग्रह गरे । यो विपतको समयमा लुकाउनका सट्टा भएको दिएर एक अर्कालाइ सहयोग गर्नुपर्छ, उनले भने । यसमा साथीभाई समुहको पनि सहयोग रहने उनले जनाए ।
सचिव दीपेन्द्र तिवारीले अत्यआवश्यकीय माक्स लगायतका सामाग्रिहरुको अभाव सिर्जना नगर्न आग्रह गर्दै अति विपन्न र माक्स किन्न नसक्नेहरुलाइ आफुहरुले माक्स दिने तयारी गरेको पनि बताएकाछन् । उनले सबैले सकेको काम गर्नु पर्ने र यस बिषयमा सचेतना आवश्यक भएको बताए । समुहका सदस्य चन्द्र खत्रिले बिपत आउन लागे सबै मिलेर समाधानका उपाय खोज्नु पर्ने बताए।
