पथरी,माघ-८
मोरङको पथरीमा माघ २७ गते देखि फागुन ७ सम्म तेस्रो नगरकप फुटबल प्रतियोगिता हुने भएको छ । पथरीको बुद्ध युथ क्लब को आयोजनामा हुने सो प्रतियोगितामा पथरी शनिश्चरे भित्रका सबै वार्डको सहभागिता रहने सोमबार आयोजित पत्रकार सम्मेलनमा क्लबका खेल संयोजक बिक्की राइले जानकारी दिए ।
प्रतियोगिता संचालन गर्न करिब ३ लाख६३ हजार रुपया खर्च हुने जनाइएको छ । प्रतियोगितामा उत्कृष्ट गोलकिपर, उत्कृष्ट डिफेन्स,उत्कृष्ट फारवर्ड,उत्कृ्ट मिल्डफिल्डर, सर्बाधिक गोलकर्ता, सर्बकृष्ट खेलाडी, उदयमान खेलाडी र उत्कृष्ट प्रशिक्षक लाई पुरस्कृत गरिने पत्रकार सम्मेलनमा जनाइएको छ ।
प्रतियोगिताको पहिलो हुने टोलीले ४० हजार ,ट्रफी र मेडल तथा दोश्रो हुने क्लबले २० हजार ट्रफी र मेडल पाउने क्लब ले जनाएको छ ।
पथरीको पन्चायत माबीको खेल मैदान हुने प्रतियोगिता को दोश्रो संस्करणको उपाधी पथरी शनिश्चरे २ ले जितेको थियो ।
