काठमाडौं, ४ चैत । नेपाली सेनाले सैनिक मुख्यालय जंगी अड्डामा कोरोनाभाइरस (कोभिड-१९) नियन्त्रण तथा रोकथाम तयारीका लागि ५४ कोठाको क्वारेन्टाइन बनाएको छ ।
नेपाली सेनाका प्रवक्ता विज्ञानदेव पाण्डेले आवश्यक परेका खण्डमा उक्त क्वारेन्टाइनलाई प्रयोगमा ल्याउइने बताए ।
‘अहिले हाम्रो स्वास्थ्यकर्मीको टोलीलाई क्वारेन्टाइनबारे यहीँ तालिम दियौं । टेन्टलाई यहाँबाट हटाउँदैनौं । आवश्यक परेमा यसलाई नै क्वारेन्टाइन बनाउँछौं,’ उनले भने ।
सेनाले आफ्ना बाहिनीहरूमा रहेका स्वास्थ्यकर्मीलाई समेत क्वारेन्टाइनबारे तालिम दिएको छ । बुधबार सेनाले क्वारेन्टाइन अभ्यास देखाउँदैछ ।
