दमक/ सत्तारूढ नेपाल कम्युनिष्ट पार्टी (नेकपा) दमक नगर कमिटीले कोरोना रोकथाम एवम् विपन्न समुदायलाई राहतका लागि गठित दमक नगर समन्वय समितिलाई रु ८ लाख नगद हस्तान्तरण गरेको छ।
बुधबार दमक नगरपालिकामा आयोजित संक्षिप्त हस्तान्तरण समारोहमा नगर प्रमुख रोमनाथ ओलीलाई नेकपा दमक नगर कमिटीका अध्यक्ष वोधप्रसाद घिमिरेले नगर कमिटीको तर्फवाट नगद रु ३ लाख एक हजार हस्तान्तरण गरेका हुन् । वांकी ५ लाख रुपैयाँ नेकपाको दमक नगर कमिटी अन्तर्गत नगरका दशवटा वडा कमिटीको तर्फबाट केही दिनमै हस्तान्तरण गरिने नगर सचिव तिर्थराज बस्नेत (शंकर) ले वताए ।
दमक नगरपालिकाको कोरोना भाइरस नियन्त्रण तथा रोकथामका लागि गठित नगर समन्वय समिति कोरोना रोकथाम र विपन्न समुदायको राहतको लागि अहोरात्र क्रियाशील रहेको नगर उपप्रमुख एवम् प्रवक्ता गीता अधिकारीले जानकारी दिइन् ।
