ज्योतिष शास्त्रकाअनुसार जुत्ता उल्टो राख्दा जीवनमा यस्ता कठिनाइ आइपर्छ !
काठमाडौं, २ बैशाख । प्रायजसो हामीमध्ये धेरैले जुत्ताचप्पल उल्टिएको वा पल्टिएको देखे त्यसलाई सुल्ट्याउने गरिन्छ । तर किन सुल्टो पारिन्छ भन्ने चाँही हामीलाई थाहा नहुन सक्छ । खालि जुत्ता चप्पल उल्टो भए यसले नराम्रो हुन्छ मात्र भनिन्छ । कतिले बाटो वा आँगनमा उल्टो जुत्ता भए साइत बिग्रन्छ भन्छन् । तर खास के हो त ?
ज्योतिष शास्त्रका अनुसार जीवनसँग सम्बन्धित हरेक वस्तुमा ग्रह जोडिएका हुन्छन् । जसमा हामिले पहिरिने जुत्ताचप्पल पनि आउँदछ । ज्योतिष शास्त्रका अनुसार हाम्रा जुताको सम्बन्ध शनी ग्रहसँग हुन्छ ।
किनकी शनी मानिसको पैतालामा रहने गर्दछ । यसकारण पनि शनीको दशा लागेको ब्यक्तिले जुत्ताचप्पल दान गर्नुपर्ने मान्यता रहेको हो । त्यसैले जुत्ताचप्पल उल्टो भए शनीको दशा लाग्ने मान्यता भए अनुसार यसलाई सुल्टो पारिन्छ ।
यसैगरी वास्तुशास्त्र अनुसार घरमा जुत्ताचप्पल राख्ने र्याक उत्तरपूर्वी दिशामा फर्केको हुनुहुदैन । यस दिशामा र्याक फर्केमा त्यहा सूर्यको प्रकाश पर्ने भएकाले जुत्ताको कारण सकारात्मक प्रभाव कम भएर जाने गर्दछ ।
शास्त्रीय मान्यता अनुसार कहिल्यै पनि उपहारमा मिलेका तथा चोरेर ल्याएका जुत्ता लगाउनु हुँदैन । यसले भाग्यबाट बञ्चित गर्दछ ।
उपहारमा पाएका जुत्ता व्यक्तिको करियरका लागि हानिकारक मानिन्छ ।
