युबराज रेग्मी /
बैसाख १७,
झापा /
गौरादह नगरपालिकामा दोस्रो चरणको राहत बितरण कार्य आज बैसाख १७ गते बाट सुरु गरिएको छ । कोरोना भाइरसको सन्त्रासका कारण जीवन गुजारामा प्रभाबित भएका गौरादह बासिलाई राहत बितरण गरिएको हो ।
राहत बितरण कार्यक्रम अन्तरगत आज वडा न ३ का विभिन्न टोल बिकास समिती मार्फत राहत सामाग्री बितरण गरिएको छ । राहत सामाग्रीमा अत्यावश्यक खाध्यान चामल दाल नुन र खानेतेल बितरण गरिएको हो ।
राहत बितरण लाई पारदर्शी बनाउन वडा कार्यलयले सर्बपक्ष टोल समिती निर्माण गरि सोही समिती मार्फत राहत बितरण गरेको छ । राहत बितरणको समयमा नगरको उच्चस्तरिय राहत संकलन तथा अनुगमन समिती द्वारा आवस्यक अनुगमन कार्य गरेको थियो ।
उच्च स्तरिय समितिका संयोजक सहित सह-सम्योजक तथा नगर उप-प्रमुख गिता भेटवाल , नेकपा नगर अध्यक्ष मित्रदेब काफ्ले, नेका नगर सभापती यादब राज सेडाइ , राप्रपा अध्यक्ष सान्तिराम पौडेल वडा न ३ का वडा अध्यक्ष गजेन्द्र घिमिरे पत्रकार सन्तोष बिस्ट लगायतको टोलिले राहत बितरण केन्द्र हरुको अनुगमन गरेको थियो ।
अनुगमन समितिले बितरण कार्यमा भएका सामान्य कमि कमजोरिलाई न्युनिकरण गर्न सम्बन्धित वडाका वडा अध्यक्ष तथा टोल समती लाई निर्देसन समेत दिइएको छ ।
अन्य वडा अन्तरगत यो समाचार तयार पार्दा सम्म वडा न १ , ५,र ९ मा राहत सामग्री पुर्याउने कार्य भैरहेको छ ।
नगरपालिकाले पहिलो चरणमा ३२ सय २९ घर परिवारलाई राहत वितरण गरेको थियो भने, दोश्रो चरणमा ६ हजार ५ सय ८५ परिवारलाई राहत वितरण कार्य शुरु गरेको नगर प्रमुख रोहित कुमार शाहले बताए ।
नगरपालिकाले पहिलो चरणमा समान दरले राहत वितरण गरेको थियो भने दोश्रो चरणमा संघीय सरकारले तयार गरेको मापदण्ड अनुसार परिवार संख्याका आधारमा राहत वितरण गर्न थालिएको नगरप्रमुख शाहले बताए ।
राहत सामाग्री अन्तरगत दुईजना सम्म व्यक्ति भएको परिवारलाई १० किलो चामल १ किलो दाल १ किलो नुन र १ लिटर खाने तेल , पाँच जनासम्मको परिवारलाई २० किलो चामल १ किलो दाल १ किलो नुन र पाँच जनाभन्दा बढी ब्यक्ती भएको परिवारलाई ३० किलो चामल १ किलो दाल १ किलो नुन र १ लिटर खाने तेल प्रदान गर्ने निर्णय कार्यपालिका बैठकले गरेको थियो ।
टोल विकास संस्था र दलका प्रतिनिधिसमेतको समन्वयमा संकलन गरिएको लगतको आधारमा लक्षित घर परिवारलाई दोश्रो चरणको राहत वितरण सुरू गरिएको नगरपालिकाले जनाएको छ ।आज ३ न वडा अन्तरगत ४ सय ६८ परिवार लाई ६ वटा टोल बिकास समिती मार्फत राहत सामाग्री बितरण गरिएको वडा अध्यक्ष गजेन्द्र घिमिरेले बताए ।
