रातोकलम अनलाइन।
क्वालालम्पुर,बैशाख-२६
मलेसियामा आज एकैदिन २५ जना नेपालीमा काेराेना संक्रमण पुष्टि भएकाे छ ।
मलेसियामा एक कम्पनीमा कार्यरत थप २५ जना नेपाली श्रमिकमा कोरोना भाइरस पुष्टि भएको छ।
मलेसियाको नेगेरी सेम्बिलान राज्यमा पर्ने रेम्बाउ भन्ने ठाउँमा अवस्थित एक कम्पनीमा कार्यरत बिदेशी कामदारहरु मध्येको थप २५ जना नेपाली कामदारमा कोरोना भाइरसको संक्रमण देखिएको छ ।
यो संगै मलेसियामा कोरोनाले संक्रमित नेपालीको संख्या जम्मा ४५ जना पुगेको छ्न , जसमध्ये ३ जनाले उपचार सकिएर निको भैईसकेको जनाइएको छ ।
हिजो बिहिवार मात्रै ९ जना नेपाली सेक्युरिटी गार्डमा कोरोना संक्रमण पुष्टि भएको थियो ।
मलेसिया सरकारले ४ मइ देखि (MCO) मुभमेन्ट कन्ट्रोल अडर खुकुलो पारे संगै एकैपटक यति धेरै नेपालीका कोरोना पोजेटिभ देखिएको यो पहिलोपटक हो।
हाल सम्म मलेसियामा covid 19 बाट १०७ जनाले ज्यान गुमाई सकेका छन् । ६५३५ जनामा कोरोना पोजेटिभ भेटिएको मध्ये ४८६४ जना निको भएर फर्कि सकेका छन भने १८ जना अझै पनि आईसियुमा उपचारार्थ छन्।
