उर्लाबारी । मोरङको मिक्लाजुङ गाउँपालिकाका छत्र डाँगीले लकडाउनको कारण अप्ठ्यारोमा परेका तीन सय भन्दा बढी मजदुर तथा विपन्नलाई निरन्तर साँझबिहानको खाना खुवाउँदै आएका छन् ।
लकडाउनको कारण रोजगारी गर्न नपाएका दैनिक ज्यालादारी मजदुर र विपन्न समुदायका व्यक्तिहरुलाई दैनिक बिहान–बेलुकाको खाना खुवाउने व्यवस्था मिलाइएको हो । साझा हस्पिटल मधुमल्लाका सञ्चालकसमेत रहेका डाँगीले निस्वार्थ रुपमा मधुमल्ला बजारमा विगत १० दिनदेखि निशुल्क खाना खुवाउँदै आएका छन् ।
दैनिक काम गरेर साँझ–बिहानको छाक टार्दै आएका बिपन्न मानिस लकडाउनले भोकभोकै पर्ने अवस्था आएपछि निःशुल्क खाना खाने व्यवस्था मिलाएको डाँगीले बताउनुभयो । डाँगीले थालेको अभियानलाई स्थानीयहरुले पनि साथ दिन थालेका छन् । हाल स्वसेवक तथा सहयोगीदाता निस्केपछि खाना खुवाउने कार्यक्रम सञ्चालनमा सहज भएको उहाँले बताउनुभयो । लकडाउन भरी खाना खुवाउने कार्यक्रम सञ्चालन गर्ने उहाँको भनाई छ ।
https://www.youtube.com/watch?v=kSXsKWZ-A9s&t=197s
