काठमाडौं । लियोनल मेस्सीको जादू कायमै रहँदै स्पेनिस लिग फुटबलमा बार्सिलोनाको अपराजित यात्रा कायमै रहेको छ ।
जित यात्रा बढाउने क्रममा बार्सिलोनाले आइतबार राति अलाभेसलाई २–१ ले हरायो ।
जोन गुइडेटीले गोल गर्दै २३ मिनेटमा अलाभेसलाई अग्रता दिलाए ।
बार्साको मैदान नोउ क्याम्पमा अलाभेस दंग देखियो । तर ७२ औं मिनेटमा लुई सुवारेजले गोल गर्दै बराबरीमा ल्याए ।
८४ औं मिनेटमा मेस्सीले निर्णायक गोल गरे र बार्सिलोनालाई जिताए ।
सुवारेज प्लेयर अफ द मन्थ भएका छन् ।
यो जितले बार्सिलोना २१ खेलबाट १८ जित र ३ बराबरीसहित ५७ अंकबाट लिगको शिर्ष स्थानमा छ ।
दोस्रो स्थानको एथलेटिको मड्रिडको ४६ अंक छ । तेस्रै स्थानको भ्यालेन्सियाको ४० र चौथो स्थानको रियाल मड्रिडको ३८ अंक छ ।
