काठमाडौं । म्यान्चेस्टर सिटी र चेल्सी एफए कप फुटबलको प्रिक्वाटरफाइनलमा प्रवेश गरेका छन् ।
आइतबार भएको चौथो चरणको खेलमा कार्डिफ सिटीलाई २–० ले हराउँदै म्यान्चेस्टर सिटी प्रिक्वाटरमा पुगेको हो ।
केभिन डे ब्रायन र राहिम स्टर्लिङले म्यान्चेस्टरका लागि १–१ गोल गरे ।
त्यसैगरी न्यूकासल युनाईटेडलाई ३–० ले हराउँदै चेल्सी पनि प्रिक्वाटरमा गयो ।
मिची बात्सुईले २ तथा मार्कस अलन्सोले १ गोल गर्दै चेल्सीलाई जिताए ।
