दमक/ विश्वभर फैलिएको कोभिड १९ र यसका कारण नेपालमा जारी लकडाउनकाबीच पनि रगतको अभाव कम हुन नदिन झापाको बैगुनधुरामा रक्तदान कार्यक्रम सम्पन्न भएको छ ।
श्री कृष्ण प्रणामी युवा परिषद नेपाल प्रारम्भिक समिति बैगुनधुराको आयोजनामा मंगलबार सम्पन्न रक्तदान कार्यक्रममा ५२ पुरुष र ८ महिला गरी ६० जनाले रक्तदान गरेको आयोजक समितिका अध्यक्ष समर्पण खतिवडाले जानकारी दिए ।
नेपाल रेडक्रस सोसाइटी झापाको प्राविधिक सहयोग तथा स्थानीय संघ संस्थाहरु एक्सल डेभलपमेन्ट बैंक, बैगुनधुरा बचत तथा ऋण सहकारी संस्था , बैगुनधुरा इंग्लिस स्कुल, शुभलक्ष्मी सहकारी संस्था, साना किसान महिला कृषि सहकारी संस्था र गतिशील युवा क्लबको सहकार्यमा रक्तदान कार्यक्रम आयोजना गरिएको हो । कार्यक्रम सामाजिक दुरी समेत कायम गरेर गरिएको थियो।
