२३ माघ, काठमाडौं । प्रदेश मुख्यमन्त्री र सभामुख बन्नका लागि एमाले र माओवादी केन्द्रभित्र आन्तरिक दौडधुप तीव्र भएको छ । तर केन्द्रीय नेतृत्व भने सर्वसम्मत गराउने प्रयासमा जुटेको छ ।
फागुन पहिलो साताभित्र प्रादेशिक सरकार र प्रदेशसभा सभामुख चयन गरिसक्नुपर्ने प्रावधानका कारण दौडधुप तीव्र बनेको समाचार छ ।
एमाले र माओवादी केन्द्रका आकांक्षीहरु पार्टीभित्रका प्रादेशिक कमिटी, संसदीय दल मात्र नभई केन्द्रीय नेताहरुलाई समेत आफ्नो पक्षमा पार्न भेटघाट गरिरहेका छन् । भेट्न आउने नेताहरुलाई दुवै दलका केन्द्रीय नेतृत्वले पहिलो अध्यास भएकाले सकेसम्म चुनावभन्दा सर्वसम्मति गर्न सुभवा दिइरहेका छन् ।
समाचार अनुसार दुई दलबीच पार्टी एकताको प्रयास भइरहेकै बेलामा एउटै पार्टीभित्रका पदमा नेताहरुबीच प्रतिष्पर्धा गर्दा राम्रो सन्देश नजाने भन्दै सकेसम्म मिलेर जानुपर्ने उनीहरुको सुझाव छ । (कान्तिपुर दैनिक)
