उर्लाबारी । मोरङको उर्लाबारीमा रहेको पूर्वी मोरङका पत्रकारहरुको साझा संस्था सञ्चार क्लब नेपालको १७ औं बार्षिक साधारणसभाको अवसरमा साउन १७ गते हुने बार्षिक साधारणसभामा ४ जना पत्रकारलाई पुरस्कार प्रदान गरिने भएको छ ।
साधारणसभाको अवसरमा लिला–गोमा आचार्य स्मृति पत्रकारिता पुरस्कारबाट उर्लाबारीका पत्रकार तेजन खड्का र विजय धिमाललाई प्रदान गर्ने निर्णय गरिएको छ । त्यस्तै, दाताराम–पद्मावती खतिवडा स्मृति पत्रकारिता पुरस्कार उर्लाबारीका पत्रकार नवराज भट्टराई र पथरीकी पत्रकार एलिना दियालीलाई प्रदान गर्ने निर्णय भएको सदस्य तिलक नेपालीले जानकारी दिनुभयो । बैठकमा बार्षिक समिक्षासमेत भएको छ ।
२०६० सालमा स्थापनामा भएको उक्त क्लबमा ४५ जना पूर्वी मोरङका सक्रिय पत्रकारहरु आबद्ध रहेको छन् ।
