बिर्तामोड : झापाली पत्रकार महिलाहरुको छाता संगठन नारी सञ्चार गृहको अध्यक्षमा अम्बिका भण्डारी सर्वसम्वत चयन भएकी छिन् ।
गृहको विहीबार विर्तामोडमा सम्पन्न दोस्रो अधिवेशनले भण्डारीलाई तीन बर्षे कार्यकालको लागि अध्यक्षमा चयन गरेको हो ।
संस्थाको उपाध्यक्षमा भीमा शिवाकोटी, सचिवमा रेजीना गौतम, सहसचिवमा स्वस्तिका आचार्य र कोषाध्यक्षमा सुशीला संग्रौला सर्वसम्वत चयन भएको निर्वाचन समितिकी संयोजक भवानी क्षेत्रीले बताइन् ।
क्षेत्रीको संयोजकत्वमा रहेको निर्वाचन समितिमा इन्दू पूर्वेली, लीला अनमोल सदस्य रहेका थिए । ११ सदस्यीय कार्य समिति रहेको समितिको सदस्यहरु पहिलो बैठकले मनोनित गर्ने भएको छ ।
