कुवेत- कोरोना भाइरसको संक्रमणका कारण कुवेतमा ८ जना नेपालीको मृत्यु भएको छ।यसरी मृत्यु हुनेमा १ महिला र ७ जना पुरूषहरु रहेका छन।
नेपाली राजदूतावास कुवेतका द्वित्तिय सचिब श्रीकृष्ण सिलवालका अनुसार बिश्व स्वास्थ्य संगठनको मापदण्ड अनुसार कुवेतमा कोरोना संक्रमणका कारण मृत्यु भएका ८ जनाकै परिवार संग समन्वय गरि उनीहरुको कुवेतमै अन्त्येष्टि गरिएको छ।
दूतावासका अनुसार कुवेतमा लकडाउन शुरु भए देखि हाल सम्म (मार्च-१ देखि जुलाई-३१,२०२०) कोरोना सहित अन्य कारणले २६ जना नेपालीहरुको मृत्यु भएको छ।
कुवेतमा कोरोना बाहेकको कारण मृत्यु भएका १३ जना(१० पुरुष र ३ महिला)को शब चार्टर र आममाफीको उडान मार्फत नेपाल पठाई सकिएको दूतावास स्रोतले जानकारी दिएको छ।
कोरोना संक्रमणको कारण मृत्यु हुने ८ जना र अन्य ५ जना मृतकको परिवारसंग सहमती गरि १३ जनाको कुवेतमै अन्त्येष्टि गरिएको छ । यसरी कुवेतमै अन्त्येष्टि गरिनेमा ९ जना पुरुष र ४ जना महिला रहेका छन
