राजेन्द्र महतो
लहान भदौ ८ गते। सिरहाको लहान न. पा . -२४ गोबिन्दपुर मलहनमा -२का २२ वर्षीय कोरोना संक्रमित पुरुष को उपचारका क्रममा मृत्यु भएको छ ।
कोरोना संक्रमण पुष्टि भएका उनको बीपी कोइराला स्वास्थ्य विज्ञान प्रतिष्ठान धरानको कोभिड अस्पतालमा उपचारको क्रममा सोमबार दिउँसो ३ बजे मृत्यु भएको हो।
श्वास फेर्न समस्या, अत्यधिक खोकी र ज्वरो आउनुको साथै उनी लागुऔषध प्रयोगकर्ता पनि रहेको
प्रतिष्ठानका प्रवक्ता डा. निदेश सापकोटाले बताएका छन।
गत भदौ २ गते मेडिकल वार्डमा भर्ना भएका उनको स्वास्थ्यमा समस्या आएपछि आइसियुमा राखेर उपचार गरिँदै गरेको अवस्थामा उनको रिपोर्ट आइतबार कोरोना पोजेटिभ आएको थियो । उनमा कोरोना पोजेटिभ देखिएपछि राति नै कोभिड १९ अस्पतालको आइसियुमा रेफर गरिएको थियो । आइसियुमा उपचारको क्रममा सोमबार दिउँसो ३ बजे उनको मृत्यु भएको प्रतिष्ठानका प्रवक्ता डा. निदेश सापकोटाले बताएका छन।
यो संगै सिरहामा कोरोना बाट मृत्यु हुने को संख्या ४ पुगेको छ।
