राजेन्द्र महतो
लहान भदौ १९ गते।सिरहामा प्रहरी नायव उपरीक्षक (डिएसपी) सहित ३३ जनाले कोरोना भाइरस (कोभिड–१९) संक्रमणलाई जितेका छन्।
ईलाका प्रहरी कार्यालय मिर्चैयाका प्रमुख तथा प्रहरी नायव उपरीक्षक सन्तुलाल जैसवाल सहित ४ जना प्रहरी र ६ जना थुनुवा डिस्र्चाज भएका छन्। उनीहरु होम आईसोलेसनमा रहेका थिए ।
त्यस्तै ईलाका प्रहरी कार्यालय गोलबजारका ईन्चार्ज रहेका प्रहरी निरिक्षक जनक पुरी सहित १४ जना डिस्चार्ज भएको महेन्द्र गेनाई कोरोना अस्थायी अस्पतालका ईन्चार्ज डा सुभाष मण्डलले बताएका छन।
प्रहरी निरिक्षक पुरी, १२ प्रहरी र २ जना स्थानीय कोरोना जितेर डिस्चार्ज भएको डा मण्डलले बताए ।
प्रहरी अधिकृत र कर्मचारीहरु होम आईसोलनमा बस्दै आएका थिए ।
त्यस्तै सिरहाको चन्द्र माध्यमिक विद्यालय आईसोलेसनबाट विभिन्न स्थानीय तहका कोरोना सङ्क्रमित ९ जना डिस्चार्ज भएका छन।डिस्चार्ज हुनेमा मिर्चैया नगरपालिकाका ३ जना, विष्णुपुर गाउँपालिकाका २ जना, सिरहा नगरपालिकाका २ जना, नरहा गाउँपालिकाका १ र कर्जन्हा नगरपालिकाका १ जना कोरोना जितेर घर फर्किएको चन्द्र माध्यमिक विद्यालय आईसोलेसन ईन्चार्ज डा सरविन्दर मण्डलले बताए । महेन्द्र गेनाई कोरोना अस्पतालमा १६ जना र चन्द्र माध्यमिक विद्यालयको आईसोलेसनमा ३९ जना कोरोना संक्रमितहरु उपचाररत रहेको डा सरविन्द्रले बताए ।
