अर्जुन जम्नेली राई
मोरङ । मोरङको पथरीशनिश्चरेमा जारी टेन्सबर्ग पथरी शनिश्चरे फुटबल प्रिमियर लिग प्रतियोगिताको आज भएको खेलमा टेन नवोदय बिजयी भएको छ ।
बुधबार भएको खेलमा वाईजीएफटी एफसीलाई १-० गोल अन्तरले पराजित गर्दै टेन नवोदय बिजयी भएको हो । खेल जितेसँगै नवोदयले लिगमा ६ अंक बनाएको छ ।
टेन नवोदयको लागि खेल सुरु भएको १६ औ मिनेटमा घनश्यम चौहानले निर्णायक गोल गरेका थिए । आजको खेलको म्यान अफ द म्याच टेन नवोदय एफसीका गोल रक्षक अर्जुन बस्नेत घोषित भए ।
।
भोली(बिहिबार) दोस्रो चरणको अन्तिम खेल देबिगन्ज र द रियल ब्रदर्स एफसीबीच प्रतिस्पर्धा हुने आयोजक समितिका संयोजक संजिप गिरीले बताए ।
आजसम्मको खेलमा "ए" पोलबाट सिरिजंगा एफसी ६, हिमाअस हाइवेको २ अंक छ भने शिखर र हेरिका न्युस्टार एफसीको १-१ अंक रहेको छ ।
"बी" पोलबाट टेन नबोदय ६, बाईजीएफटी र द रिअल ब्रदर्स एफसीको १-१ अंक रहेको छ । दुई खेल खेल्न बाँकी रहेको देबिगन्ज हालसम्म ० अंक रहेको छ ।
