अर्जुन जम्नेली राई
मोरङ । मोरङको पथरीशनिश्चरेमा जारी टेन्सबर्ग पथरी शनिश्चरे फुटबल प्रिमियर लिग प्रतियोगिताको आज भएको खेलमा द रियल ब्रदर्स बिजयी भएको छ ।
बिहिबार भएको दोस्रो चरणको अन्तिम खेलमा देविगन्ज एफसीलाई ३-२ गोल अन्तरले पराजित गर्दै द रिअल ब्रदर्स एफसी बिजयी भएको हो ।
खेल सुरु भएको १४ औं मिनेटमा देविगन्जको खेलाडी बिजय लिम्बूले गोल गर्दै आफ्नो टिमलाई अग्रता दिलाएका थिए । रियल ब्रोदर्सका सुजन खत्रीले २९ औं मिनेटमा गोल फर्काएर बराबरीमा पुर्याएका थिए ।
मध्यन्तरपछिको ७ औं मिनेटमा द रियल ब्रोदर्सका देबराज गुरुङले गोल गर्दै खेल २-१ गोल अन्तर बनाएका थिए भने देबिगन्जको तर्फबाट २४ औ मिनेटमा दीपक राईले गोल थपेर पुन २ बराबरीमा बनाएका थिए । निर्धारित समयमा २ बराबरी भएपनि इन्जुरी समयमा रियल ब्रदर्सका तिर्थराज बस्नेतले गोल गर्दै बिजय सुनिस्चित गरेका थिए । खेलको म्यान अफ द म्याच पनि बस्नेत नै घोषित भए ।
।
खेल जितेसँगै द रियल ब्रदर्सले लिगमा ४ अंक बनाएको छ भने देविगन्ज ० अंक मै सिमित भएको छ । लिगमा देविगन्ज अब एक खेल खेल्न बाँकी छ ।
भोली(सुक्रबार) तेस्रो चरणको पहिलो खेल हेरिका न्युस्टार र द सिखर एफसीबीच प्रतिस्पर्धा हुने आयोजक समितिका सचिव मनि लिम्बुले बताए ।
दोस्रो चरणको खेल सकिदा समूह "ए"
मा रहेको सिरिजंगा एफसी ६, हिमाअस हाइवेको २ अंक छ भने शिखर र हेरिका न्युस्टार एफसीको १-१ अंक रहेको छ ।
समूह "बी"मा रहेको टेन नबोदय ६, द रियल ब्रदर्स ४, बाईजीएफटी १ अंक रहेको छ भने एक खेल खेल्न बाँकी रहेको देबिगन्ज हालसम्म ० अंक रहेको छ ।
