सुत्केरी पत्नी छाडेर परस्त्रीसँग बेपत्ता

रेवतका ससुराली पक्षले उनको खोजी कार्य गरी आफ्नी छोरीको दयनीय अवस्थालाई सामान्य बनाइदिन दमक प्रहरीमा उजुरी गरेका छन् । मोबाइल स्वीच अफ गरेका रेवत र अन्जली काठमाडौंको बालाजुमा रहेको बताइएको छ । यद्यपि, उनी बालाजुको कुन ठाउँमा छन् भन्ने खुल्न सकेको छैन ।

नवजात शिशुका साथमा जीवन व्यतीत गरिरहेकी सुत्केरी महिलालाई उचित स्याहार नहुँदा आमा छोरा दुवैको अवस्था नाजुक बन्दै गएको छ । एकातिर सुत्केरी आमाको पीडा त छँदैछ, अर्कातर्फ ७ वर्षीय जेठो छोराको बायाँ खुट्टा भाचिएको अवस्था छ । उनको पनि भनेजस्तो उपचार नहुँदा कठिनाइ भएको पीडित महिलाले बताइन् ।

प्रहरीलाई हारगुहार गर्दा पनि खोजी कार्य सुस्त बनेको पीडित परिवारको भनाइ छ । फरार रेवत र अन्जलीलाई तुरून्त खोजी गरिदिन उनीहरूले प्रहरीसमक्ष अनुरोध गरेका छन् ।