• काठमाडौं । युवालाई सीप, श्रम तथा रोजगारीसँग जोड्ने उद्देश्यले राष्ट्रिय रोजगार सम्मेलन गरिने भएको छ । राष्ट्रिय युवा परिषद्को समन्वयमा युवालाई सीप र रोजगारसँग जोड्नका लागि सम्मेलन गर्न थालिएको परिषद्का कार्यकारी उपाध्यक्ष माधवप्रसाद ढुङ्गेलले जानकारी दिए ।

    सम्मेलन आगामी असार ११ र १२ गते काठमाडौंमा गरिने भएको छ । उनले सम्मेलनमा नै युवाको क्षमता, सीपका आधारमा रोजगारी उपलब्ध गराइने जानकारी दिए ।

    परिषद्का उपाध्यक्ष ढुङ्गेलले कोभिड–१९ का कारणले वैदेशिक रोजगारबाट फर्किएका र नेपालमा नै रोजगारी नपाएका व्यक्तिलाई लक्षित गरी सम्मेलन आयोजना गरिएको जानकारी दिए ।
    “सम्मेलनमा रोजगारदाता संस्था र युवाबीच दक्षता, क्षमता र सीपका आधारमा रोजगारीको सहमति गरिनेछ”, उनले भने, “बेरोजगार भएका युवालाई रोजगारी दिन सम्मेलनको आयोजना गरिएको हो ।”

    सम्मेलनमा परिषद्सहित श्रम, रोजगार तथा सामाजिक सुरक्षा मन्त्रालय, कृषि तथा पशुपक्षी विकास मन्त्रालय, परराष्ट्र मन्त्रालय, शिक्षा, विज्ञान तथा प्रविधि मन्त्रालय, नेपाल उद्योग वाणिज्य महासंघ, गैरआवासीय नेपाली संघ (एनआरएनए)को समेत सहकार्य हुनेछ ।

    सम्मेलनको तयारीका लागि एनआरएनएका वरिष्ठ उपाध्यक्ष बद्री केसीको संयोजकत्वमा कार्यकारी समितिसमेत गठन गरिएको छ ।

सम्वन्धित समाचार

विराटनगर .  विराटनगरको मुख्या नाका जोगमनी बन्द छ । कोरोना सङ्क्रमण जोखिमका बीच गत वर्षदेखि बन्द नाका…

इटहरी । वस पर्खेर बसेका इटहरी १ का भूर्व भारतीय सेना समेत रहेका कर्णबहादुर गुरुङको मृत्यु टिप्पर चालककै …

इटहरी । टिपरको ठक्करबाट पैदलयात्री एक वृद्धको मृत्यु भएपछि इटहरी चोकमा प्रदर्शन भएको छ । मृतकका आफन्तले…

उर्लाबारी , ३० चैत । मोरङको उर्लाबारी–६ मा ६ वर्ष अघि निर्माण सुरु भएको उर्लाबारी वसपार्क अझै निर्मा…