उर्लाबारी । मोरङ निर्वाचन क्षेत्र नं. १ बाट निर्वाचित प्रदेशसभा सांसद कुलप्रसाद साम्बा (कुशल)को पहलमा १ अर्ब २६ करोड रुपैयाँ बराबरको योजना कार्यान्वयनको चरणमा रहेको सार्वजनिक भएको हो ।
साम्बाले आफू निर्वाचित भएपछि प्रदेश सरकारका १ सय ५० वटा भन्दा बढी योजनाका लागि १ अर्ब २६ करोड २९ लाख ९३ हजार १ सय ७७ रुपैयाँ बराबरको बजेट व्यवस्था गरेको उल्लेख छ ।
माननीय साम्बाले प्रस्ताव गरेर कार्यान्वयनमा आएका र हाल निर्माणाधिन रहेका अधिकांश योजना सडक तथा तटबन्धन निर्माणको क्षेत्रमा रहेको छ ।
सार्वजनिक विवरण अनुसार ९८ वटा योजनाहरु सम्पन्न भइसकेका छन् भने अन्य योजनाहरु निर्माणाधिन छन् । विशेष गरी ५८ करोड रुपैयाँ बराबरको किसानचोक–टाँडी–रमिते–रवि सडक बहुवर्षे योजना ४० प्रतिशत सम्पन्न भएको, ७ करोड २५ लाख बराबरको मिक्लु खोला पुल बहुवर्षे योजना अन्गर्तत ३० प्रतिशत सम्पन्न भएको, १ करोड ६ लाख बराबरको मुख्यमन्त्री ग्रामिण सडक अन्तर्गत उर्लाबारी आइतबारे चोक हुँदै झारशान्धि खाँम्बेझोडा जोड्ने सडक ७ सय मिटर कालोपत्रे सम्पन्न भइसकेको छ।
मिक्लाजुङ २, ३, ६, ७, ८ र ९ नम्बर वडा र उर्लाबारी नगरपालिकाको सबै वडा गरी १५ वटा वडा संसद साम्बाको निर्वाचन क्षेत्र पर्दछन् ।
सांसद साम्बाले आर्थिक वर्ष २०७५/०७६ र २०७६/०७७ मा उक्त विकास निर्माणका कार्यक्रमहरु केहि प्रतिसत सम्पन्न भएको र केहि कामहरु कार्यान्यनको चरण रहेको बताउनु भयो ।
उर्लाबारी–आइतबारे चोक नगरपालिका अगाडिबाट दक्षिण जाने ४ सय किलोमिटर सडक कालोपत्रे भएको लगायत उल्लेख छन् । यसका अलावा सांसद साम्बाले स्कुलको भवन तथा विभिन्न प्राविधिक सशक्तीकरण, मन्दिर निर्माण तथा सामाजिक क्षेत्रमा बजेट तथा कार्यक्रम खर्च गराउन भूमिका खेलेको उल्लेख छ ।
