तपाईंको मास्क खोई ? दिल खोलेर बोल्नुहोस्, माक्स खोलेर हैन
कोरोना महामारी बढेसँगै युवा संघ उर्लावारी नगर कमिटीले सचेतना अभियान सुरु गरेको छ । युवा संघले शनिबार मंगलबारे चोक,थापाचोक,शनिबारे हाट लगायतको स्थानमा माक्स वितरण गर्दै कोरोनाबाट जोगिन अनिवार्य मास्क प्रयोग गर्न आग्रह गरेको हो ।
मास्क ननलगाई हिँडेका सर्वसाधरणहरुलाई युवा संघको टोलीले मास्क वितरण समेत गरेको थियो । संघले घरबाट बाहिर निस्किनु परे अनिवार्य माक्स लगाउन पनि अनुरोध गरेको छ ।
यस्तै युवा संघले मंगलबारे स्टेण्डमा सार्वजनिक यातायातका बस,म्याजिक भेन लगायतका सवारीसाधनलाई स्टेण्डमा मात्रै रोक्न पनि आग्रह गर्दै सचेत गराएको युवा संघका नेता भिष्म बुढाथोकीले जानकारी दिए ।
युवा संघ नेपाल उर्लाबारी-३ नम्बर वडा कमिटीले आयोजना गरेको सो कार्यक्रम मंगलबारे प्रहरी चौकी र ट्राफिक प्रहरी कार्यलयसँग सहकार्य गरेको थियो ।
युवा संघले 'तपाईंको मास्क खोई ? दिल खोलेर बोल्नुहोस्, माक्स खोलेर हैन' भन्ने अभियान सञ्चालन गरेर कार्यक्रम गरेको युवा संघकी नेतृ जमुना कट्टेलले बताइन् । उनले अनिवार्य मास्क प्रयोग गर्न पनि अपिल गरेकी छन् ।
