• बैशाख १९, काठमाडौँ । नेपालमा एकैदिन ७ हजार २११ जना कोरोना भाइरस संक्रमित थपिएका छन् । पीसीआर विधिबाट गरिकएको परीक्षणमा ७ हजार १३४ र एन्टिजेन विधिबाट ७४ जनामा संक्रमण पुष्टि भएको हो ।

    यो नेपालमा एक दिनमा भेटिएको अहिलेसम्मकै सबैभन्दा धेरै संक्रमित हो । योसँगै नेपालमा कूल संक्रमितको संख्या ३ लाख ३६ हजार ३० पुगेको छ । यही अवधिमा थप १ हजार ६१२ जना निको पनि भएका छन् । नेपालमा हालसम्म २ लाख ८३ हजार ९९४ जना संक्रमित निको भइसकेका छन् ।

    पछिल्लो २४ घण्टामा २७ जनाको मृत्यु भएको छ । हालसम्म ३ हजार ३ सय २५ जनाले ज्यान गुमाइसकेका छन् ।

    मन्त्रालयका अनुसार प्रदेश १ को इलाममा ८, उदयपुरमा ५, ओखलढुंगामा ४, खोटाङमा २, झापामा ८५, ताप्लेजुङमा २, तेह्रथुममा १, धनकुटामा पाँचथर १, भोजपुरमा २, मोरङमा २४९, संखुवासभामा १, सुनसरी ७२ र सोलुखुम्बुमा १ जनामा कोरोना भेटिएको छ।

    यसैगरी प्रदेश २ को धनुषामा २८८, पर्सामा ११२, बारामा ४४, महोत्तरीमा १०७, रौतहटमा ३६, सप्तरीमा १७, सर्लाहीमा २७ र सिरहामा ३२ जनामा कोरोना पाइएको छ।

    बागमती प्रदेशको काठमाडौंमा मात्र २७ सय ४४ जनामा कोरोना भेटिएको छ। काभ्रेमा २३, चितवनमा ७७, दोलखामा ८, धादिङमा १२०, नुवाकोटमा ४६, भक्तपुरमा ३०१, मकवानपुरमा १६९, रसुवामा ४, रामेछापमा १३, ललितपुरमा ५५०, सिन्धुपाल्चोकमा ३३ र सिन्धुली ३२ जनामा कोरोना पुष्टि भएको छ।

    गत २४ घण्टामा गरिएको परीक्षणमा गण्डकी प्रदेशको कास्कीमा ६९, गोरखामा १६, तनहुँमा १४, नवलपरासी पूर्वमा १९, पर्वत ७, म्याग्दी ७, लमजुङमा ८, बागलुङमा ६ र स्याङजामा ६ जनामा कोरोना भेटिएको छ।

    कोरोना पुष्टि हुनेमा लुम्बिनी प्रदेशको अर्घाखाँचीमा ३७, कपिलवस्तुमा ४१, गुल्मीमा ११, दाङमा १३३, नवलपरासीमा ८०, पाल्पामा ११, प्यूठानमा ३, बर्दियाका ५१, बाँकेमा ४०६, रुकुम पूर्व ५, रुपन्देहीमा ४६६ र रोल्पामा ५ जना छन्।

    यस्तै, कर्णाली प्रदेशको कालिकोटमा ७, जुम्ला १०, डोल्पा १, दैलेखमा २५, मुगु ७, रुकुम पश्चिममा १, सल्यानमा ५, सुर्खेतमा १७४ जनमा कोरोना भेटिएको छ भने सुदूरपश्चिम प्रदेशको अछाममा ८ , कञ्चनपुरमा २४, कैलालीमा २३२, डडेल्धुरामा २८, डोटी १९, दार्चुला १, बझाङमा १, र बैतडीमा ३८ जनामा कोरोना भेटिएको मन्त्रालयले जनाएको छ।

सम्वन्धित समाचार

४ जेठ काठमाडौं। आज सर्वोच्च अदालतले प्रधानमन्त्रीको शपथ विवाद र सांसद नभएका व्यक्तिलाई मन्त्री बनाउने सरकारक…

काठमाडौं । प्रधानमन्त्री केपी शर्मा ओलीले लिएको पद तथा गोपनीयताको सपथ बदरको माग गर्दै परेका रिटमा आज सुन…

काठमाडौं । पछिल्लो २४ घण्टायता देशभर थप सात हजार ३६८ जनालाई कोरोना संक्रमण पुष्टि भएको छ। देशभरका वि…

काठमाडौं । गृहमन्त्री रामबहादुर थापा ‘बादल’लाई बैठकमा राखेर प्रधानमन्त्री केपी शर्मा ओलीले २०…